الأسئلة الشائعة
كم ياخذ التوصيل؟
داخل الإمارات من ٢ إلى ٤ أيام عمل من تأكيد الطلب. ولدول الخليج (السعودية، الكويت، قطر، البحرين، عُمان) من ٣ إلى ٧ أيام عمل. ممكن يتأخر التوصيل شوي في المواسم والعطل الرسمية.
هل التوصيل مجاني؟
نعم، التوصيل مجاني لكل الطلبات داخل الإمارات ودول الخليج، ونشحن مع أرامكس.
كيف أتابع طلبي؟
أول ما يُشحن طلبك يوصلك رقم تتبّع على الإيميل أو برسالة نصية، وتتابعين فيه الشحنة مع أرامكس.
هل أقدر أقسّط المبلغ؟
نعم، تقدرين تدفعين على أقساط مع تابي أو تمارا، أو تدفعين بالبطاقة.
كيف أعرف مقاسي؟
في كل صفحة فستان تلقين جدول المقاسات وطريقة أخذ المقاسات. ولو محتارة، راسلينا على الواتساب +971 54 714 5179 ونساعدك تختارين.
هل أقدر أبدّل أو أرجّع الفستان؟
داخل الإمارات تقدرين تبدّلين الفستان خلال ٧ أيام من الاستلام (رسوم ٣٠ درهم)، أو ترجّعينه وتستردين المبلغ خلال ٧ أيام (رسوم ٥٠ درهم). الشرط إن الفستان ما انلبس ولا انغسل ولا تعدّل، والتاقات عليه، ومعه الفاتورة.
الطلبات اللي استُخدم فيها كود خصم أو انشرت من عروض المتجر تتبدّل بس، وما يُسترد مبلغها. والطلبات اللي تنشحن برا الإمارات بيع نهائي، وما تتبدّل ولا ترجع.
كم تكلفة الاستبدال أو الاسترجاع؟
الاستبدال ٣٠ درهم، والاسترجاع ٥٠ درهم تنخصم من المبلغ المسترد. في الاستبدال، لو الفستان الجديد أغلى تدفعين الفرق، ولو أرخص نرجّع لك الفرق. ولو الفستان فيه عيب أو وصلك غلط، نتحمّل كل التكاليف.
متى يرجع لي المبلغ؟
خلال ١٤ يوم عمل من استلامنا للفستان، على نفس طريقة الدفع. ولو كان الدفع بتابي أو تمارا، يرجع المبلغ عن طريقهم.
وصلني الفستان فيه عيب، وش أسوي؟
تواصلي معنا خلال ٤٨ ساعة من الاستلام وارسلي صور العيب، ونحل لك الموضوع.
هل أسعار الموقع نفسها في الفروع؟
لا. الأسعار والعروض اللي في المتجر الإلكتروني خاصة بالطلبات أونلاين بس، وما تسري في فروعنا.
كيف أتواصل معكم؟
الواتساب: +971 54 714 5179
الإيميل: support@faizcouture.com
